EGUBERRI ON / FELIZ NAVIDAD

 

BIZILEKUA

 

BIZILEKUA:

Eguberriak. Emanuel “Jainkoa Gurekin” Haurraren sortzea ospatzen dugu. Eguberri eguneko liturgia oso aberatsa da. Lau meza ezberdin ospatzen ditugu; hots: bezperakoa, gau erdikoa, goizeko meza eta meza nagusia. Ospakizun bakoitzak badu bere giro eta Jaunaren Hitza propioa; kolaborazio honetan meza nagusiko ebanjelioarekin geldituko gara.

“Eta haragi egin zen eta gure artean jarri zuen bizilekua” dio Joanen ebanjelioaren hasierak. Jaunak gure artean bere bizilekua, bere oihal-etxola jartzen du. Oihal-etxola bideko bizileku bat da, Jauna bideko laguna, konpainia da guretzat. Israelek basamortuko ibilaldian Elkarketa-Etxola zuen Jainkoaren hurbiltasunaren seinale bezala. Jainkoak gurekin bizia eta bidea konpartitu nahi ditu.

“Hedatu beldurrik gabe zeure egoitza-oihalak, luzatu lokarriak” (Is 54,2). Urte honetan Elizan sinodoaren bide berri bat hasi da. Sinodoaren helburua Jainkoaren urratsak elkarrekin bilatzea eta jarraitzea da, besteak beste. Elizbarrutiko lana eginik orain kontinenteko fasea hasi da, fase hori irudikatzeko oihal-etxolaren irudia erabiltzen da, Isaiasen profezia erabiliz. Elizak ibilaldi honetan begirada zabaldu nahi du harrera-etxe izateko, Jainkoaren babesa munduan zabaltzeko.

Gabonak elkarrekin bizitzeko egunak dira, familian egoteko, lagun artean ospatzeko egunak. Egun hauetan bihotza zabaltzeko eta senideen artean Jaunaren urratsak bilatzeko aukera ederrak aurkitu ditzakegu. Jaunak gure artean du bizileku! Zabal ditzagun bihotzak.

ETXEAN HARTU

 

ETXEAN HARTU:

“Dabiden seme Jose ez izan beldurrik, Maria, zeure emaztea, etxean hartzeko”. Mateoren ebanjelioak aingeruak Joseri egin zion bisitaldia eskaintzen digu. Josek Jainkoaren plana onartzen du. Gizon santu honek Jaunaren nahia bihotzean hartzen du, Mariarekin batera.

“Abendualdi” hitzak “etorrera” esan nahi du. Denbora berezi honetan zerbaiten, norbaiten, bisita itxaroten dugu. Baina espera honek badu epe bat: ailegatu da garaia. Salbamen eguna dela eta Jainkoaren bisita onartuko edo errefusatuko dugu.

Jose zintzoak Jainkoaren bisita onartu zuen. Haren etxean, haren bihotzean, haren bizitzan, Jainkoa sartu zen aingeruaren albistea eta Maria (Haurrarekin) onartzerakoan. Guretzat ere Gabonak Jainkoaren Berri Ona, familia, lagunak, etxean hartzeko garaia da. Bisita horren aurrean…zein izan behar du gure jokabideak? Bihotza zabaldu eta etxean hartu.

Ikas dezagun Joseren etsenpluaz: berak errealitatea onartu zuen. Jainkoa guregana etortzen da gauden egoeran, ondoan daukagun jende artean datorkigu. Denok jende ezberdinarekin, agian federik ez duen jendearekin, elizatik urrun dauden jendearekin egongo gara egun hauetan. Haiei ere kristau harrera on bat ematea gure eskura daukagu. Emanuel Haurra “Jainkoa Gurekin” ateetan daukagu. Zabal diezaiogun bihotza.

ORACIÓN REPARADORA EN AGUINAGA

 

LUZ DE LA PAZ DE BELÉN 2022 BELEMKO BAKEAREN ARGIA

 

ABENDUALDIA III: BOZKARIOA

 

BOZKARIOA

“Poztuko dira basamortua eta lur agorra, alaituko basa-lurra eta lilia bezala loratuko”. Abendualdiko hirugarren igande honetan alaitasuna berpizteko deia hartzen dugu. Elizak, ohiturak jarraituz, igande horiari “Gaudete” deitzen dio, hau da “poztu zaitezte” eguna.

Kristauok gauza asko esaten dugu Jainkoari buruz: Jauna maitasuna, egia, justizia, poztasuna, alaitasuna dela esaten dugu. Hori guztia badakigu, bai, baina kristauok, gure bizimoduarekin batzuetan beste gauza esaten dugu: maitasuna, alaitasuna, ongi izatea lehendabizikoa, Jainkoa, dela esanez. Agian, gure bizitzan, mundu honetako poztasun txikiak Jainkoak ematen digu alaitasun iraunkor baino lehen bilatzen ditugu.

Ez dugu errefusatu behar mundu hobe bat eta benetako alaitasun baten itxaropena. Kristauok errealitatea aldatzera, mundua Jainkoaz betetzera deituak gara. Jaungoikoak gure artean egon nahi du eta ziurtasun hori ez dugu galdu behar.

Sinesmenak, esperantzak , zalantzak ez dituzte kentzen baina ez dugu amore eman behar. Munduko egoera ikusiz alaitasunezko eta esperantzazko motiboak edukitzea ez da batere erraza, baina Kristok gizakien esperantza gainditzen du. Berak esaten digu: “Fidatu nitaz”, “poztu zaitezte!”

Ondoan dauzkagun jaietan hurbilagoak, gozoagoak, eskuzabalagoak izan gaitezen Jauna gure guregana dator, atez joka. Gure bihotzaren ateak zabaldu ditzagun

Horarios visitas guiadas en San Miguel

 

XABIER ABENDUALDIKO MEZULARIA:

 

XABIER ABENDUALDIKO MEZULARIA:

“Zoazte eta egin ikasleak mundu guztian zehar” Aste honetan Xabierko Frantziskoren besta ospatuko dugu. Nafarroaren eguna, euskararen eguna, misiolarien eta kirolarien zaindaria…gauza asko irudikatzen dugu Xabier ospatzerakoan, horregatik gure astekariaren zenbaki berezi bat merezi du.

Santuaren festa egiterakoan agian abendualdi hasi berriaren erritmoa apurtu dela pentsatu dezakegu… baina santu bat, fedearen eredu bat, beti da lagungarria, batez ere kristau aldi berezi batean, hau da… Abendualdian. Misiolari batek beti hots egiten digu mezu bat, eta misiolarien zaindariak beti zabaltzen du berri on bat: Kristoren Erregetza hurbil dugula, ateetan.

“Bihotz-berri zaitezte, gainean baituzue Jainkoaren erregetza” Igande honetako ebanjelioan Joan Bataiatzailea agertzen da. Joanek, Xabierrek bezala, Jainkoaren Erreinua hots egiten digu. Erreinu hori ongi hartzeko… zer egin behar dugu? Bataiatzaileak ezinbesteko baldintza bat jartzen digu: bihotz berritu gaitezela.

Jauna onartzeak beti hobetu, aldatu, santuagoak izan behar dugula esan nahi du. Abendualdian pausatxo bat egiten dugu Jaunari begiratzeko eta Harengana gure bideak zuzentzeko. Zer da nik egin behar dudana? Bakoitzak ikus dezala.

Presta dezagun, beraz, Jaunaren bidea Isaias profetak, Joanek eta Xabierrek egin zuten bezala. Jaunaren Salbamena guregana dator, ez dezagun galdu aukera hori. Abendualdi hau graziazko denbora izan dadila guretzat.